Dame Tanni Grey-Thompson

Gan gael ei chydnabod yn eang fel athletwraig Baralympaidd fwyaf Prydain gydag 11 o Fedalau Aur, mae'r Farwnes Tanni Grey-Thompson DBE wedi symud o oruchafiaeth ym myd chwaraeon i rôl ddylanwadol fel arglwyddes annibynnol ar y meinciau croes ac aelod bwrdd.

Mae'r Farwnes Grey-Thompson yn ymuno â ni i drafod pŵer amrywiaeth. Trwy archwilio sut mae tegwch yn hybu ymdeimlad o berthyn, bydd hi'n cysylltu ei phrofiadau unigryw ym myd chwaraeon a'r senedd â'n llinynnau strategol: Pobl a Pherthyn.

Dr. Nici Sweaney

Wedi'i chydnabod yn ddiweddar fel un o'r "10 Entrepreneur Mwyaf Arloesol ym myd Deallusrwydd Artiffisial i'w Dilyn yn 2024", bydd Dr Nici Sweaney, ymgynghorydd DA ac arweinydd meddwl, yn rhoi eglurder ar ddimensiynau moesegol Deallusrwydd Artiffisial mewn addysg.

Bydd Dr Sweaney yn cynnig mewnwelediad i sut y gall DA gefnogi a herio cynhwysiant, gan gydgysylltu'r realiti technolegol hwn â nodau ac amcanion ein llinynnau Perthyn a Phwrpas.

Richard Parks

O gynrychioli ei wlad fel chwaraewr rygbi rhyngwladol dros Gymru i lywio trwy amgylcheddau mwyaf gelyniaethus y byd, mae Richard Parks yn cyflwyno safbwynt nodedig ar y croestoriad rhwng Perthyn a'r Blaned.

Trwy blethu ei fewnwelediadau ar greu mannau cynhwysol lle mae pawb yn perthyn ynghyd â ffeithiau llym hinsoddau sy'n newid, mae'n cynnig safbwynt pwerus ar ein dyletswydd gyffredin i amddiffyn ein cymunedau lleol a'n cartref byd-eang.

Andries Pretorius

Mae Andries Pretorius, sylfaenydd 'One Step North', yn cyfuno ei gefndir mewn rygbi elitaidd â seicoleg busnes i drafod datblygiad proffesiynol.

Mae'r sesiwn hon yn canolbwyntio ar y sgil hanfodol o weithredu ar adborth, gan symud tuag at strategaeth 'blaenborth' ragweithiol. Mae ei fewnwelediadau'n cynnig offer ymarferol i wella perfformiad, gan gyd-fynd yn ddi-dor â'n llinynnau Pobl a Phwrpas.